أطباء بمستشفى ابن رشد يضطرون لتوجيه هذا النداء المؤثر لسكان الدار البيضاء

0

اضطر مجموعة من الأطباء بمستشفى ابن رشد بمدينة الدارالبيضاء، الذين باتوا يشركون الليل بالنهار في العمل من أجل مواجهة فيروس كورونا، إلى توجيه نداء إنساني مؤثر إلى سكان الدارالبيضاء، من أجل مساعدتهم على إيجاد مقرات سكنية قريبة من مستشفى ابن رشد ومستشفى 20 غشت ومستشفى الهاروشي.

وأوضح الأطباء في ندائهم الإنساني إلى أن هذا المطلب يأتي أولا لبذل كل الجهود في مكافحة فيروس كورونا، التي باتت تفرض عليهم المكوث بالمستشفى أو على الأقل بالقرب منه، والثاني حتى لا يكونوا سببا في نقل الفيروس إلى عائلاتهم بسبب تنقلاتهم اليومية بين مقرات سكنهم ومقرات عملهم…

وفي ما يلي نص هذا النداء وهو مليء بالدلالات ونأمل أن يلقى تفاعلا إيجابيا منتظرا ومنشودا من مغاربة أظهروا، منذ المراحل الأولى لظهور الفيروس في البلادنا، روحا وطنية تضامنية قوية. يقول النداء:

اللي عندو فندق أو شي شقة في الأحياء المجاورة لمستشفى ابن رشد و20 غشت والهاروشي يسلفها لينا بينما دازت هاد المحنة.

«اليوم كنعيشو واحد الضغط رهيب، واحلين ما بين مطرقة المرض وسندان واليدينا، اللي كبار فالسن، وكيعانيو من أمراض مزمنة. ديرو راسكم فبلاصتنا وتخيلو الوسواس اللي كنحسو بيه كل مرة كندخلو من الحراسة فالمستعجلات ديال ابن رشد بعد ما كنقلبو حالات مشكوك فيها وأخرى مؤكدة، وما عندك فين تمشي يا داركم يا تنعس فالطوموبيل، كاين اللي تا ديك الطوموبيل ما عندوش.

الله يرحم الواليدين، حنا كازاوا وولاد المدينة، أغلبنا تزاد فأحياء شعبية وشق طريقو حتا وصلنا لداك الشويا ديال العلم اللي واصلين ليه، حنا مستاعدين من غدا نتوادعو مع واليدينا ونخرجو نخدمو بضمير وبال مرتاح، مستاعدين نعرضو راسنا لخطر الإصابة على قبلكم، لكن ما مستاعدينش نعرضو واليدينا للمرض أو لا قدر الله للموت، حيت ديك الساعة ما غنقدروش نخدمو وعمرنا نسامحو راسنا، اللي كانطلبو منكم هو اللي عندو شي شقة في الأحياء المجاورة لابن رشد و20 غشت والهاروشي يسلفها لينا بينما دازت هاد المحنة، نداؤنا أيضا لأرباب الفنادق لي كتصفر، ديرو فينا هاد الخير كيف غادي نتهلاو فيكم وفواليديكم وحبابكم بالإمكانات اللي عندنا، ساعدونا بالإمكانات اللي عندكم، أحسن أجر وصدقة جارية تقدرو تديروها هي هادي، حيت والله تا هادشي اللي كنفكرو فيه ليل ونهار، لا غير، فندق واحد ممكن يتكفل بهاد القضية فغادي تحلو هاد الأزمة اللي مأرقانا منذ أيام وما لقينا ليها الجهد المادي ولا الحل.

كانواعدوكم أمانتكم كيف تسلمناها نردوها ليكم. راه حنا شباب واعي اللخر فينا bac +8، ومستاعدين نقدمو الضمانات اللي بغيتو .

اللي قادر يعاون يتواصل معانا على ال WhatsApp في الرقم : 0649917197

عاونونا نعاونوكم…

 

اترك رد